Sorpresa...pungente
... umore da "riccio" ma cuore di "ficudinia"...
Di li sarbaggi sugnu la regina
Ti pari
ca ti pùngiu
ma nun è veru
câ cammisedda
tutta abbuttunata
ma si la rapi
vidi chi surprisa
di dintra sugnu
tutta ‘nzuccarata.
Si sulu tu mi sfiori
cu duj îta
e mi manìi
cu modu delicatu
t’adduni
ca i me’ spini
sunu ‘i difisa
sulu pi cu è
malaccriatu.
E poi
ju nàsciu
c’un sciuri
‘ncapu a vucca
ca è giallu
russu
virdi
favulusu
e mentre crìsciu
supra ‘na palidda
‘nsemi a li me’ suruzzu
stritta stritta
mi guarda
‘na gran fila
‘i surdateddi
cu li spuntuna longhi
e affilateddi.
Ti piàciu
quannu
‘nanu tu
mi pigli
chi gran profumu
acchiàna dâ me’ purpa.
Sugnu odurusa
bedda
sciacquariata
e china
tutta ‘i spini
ma nun haju curpa.
Di li sarbaggi
sugnu la regina
vulìti lu me’ nomi
Ficudìnia.
Geppina Macaluso
3 Comments:
belin che sorpresa!
ma è la notizia notturna che porta le spine? :)
MA SECONDO TE!?
...PUO' SOLO CHE TENERMI SVEGLIA..."BELIN" CHE NOTIZIA!
poesia molto bella
Posta un commento
<< Home